akap

mahilig sa yakap si alisa. isang bagay na hindi namin ginagawa sa pamilyang kinalakhan ko. sa pamilyang pinanggalingan ko.

ewan ko ba. talaga lang sigurong di namin nakasanayang maging pisikal.

hindi naman sa nagulantang ako sa sariling pamilya ko ngayon. sa simula pa naman, gusto kong magkaroon ng masayang pamilya -- iyung tipong tumatawa, iyung tipong nagyayakapan, iyung tipong malakas magtrip.

akala ko noon, dead end na ang pagpapakasal. kaya nga ingat na ingat ako noon sa mga pakikipagrelasyon ko.

naging babaero rin naman ako. nanloko rin ako ng mga babae, binobolang mahal ko sila kahit alam ko sa sarili ko na hindi.

masaya ako na pinakasalan ko si alisa. kung tutuusin nga, understatement pa iyun. paano ko ba talaga isusulat? ewan.

basta ang ginagawa ko na lang, lagi kong pinaparamdam sa kanya na mahal na mahal ko siya, at kahit anong gawin ko, palaging magkukulang para sa kanya... kasi ang gusto ko, higit pa sa maibibigay ko ang maibigay ko sa kanya. gets mo?

kung puwede lang, yakapin ko siya nang yakapin, kaso kailangan ko ring magtrabaho para sa aming pamilya.

ang sarap pa naman niyang yumakap... :D